ANJUKANNAN - "അഞ്ചു കണ്ണൻ", FB, N, G, A, TMC, LF

കുട്ടിക്കാലത്തെ ഓർമ്മ താളുകളിൽ എന്നും ഒരു ഏട് ഞാൻ കരുതി വച്ചിരിക്കുന്നത് "അഞ്ചുകണ്ണന്" വേണ്ടിയാണ്.

അന്നൊക്കെ വേനലവധിക്കാലത്തു അമ്മയുടെ വീട്ടിൽ ചെല്ലുമ്പോൾ  എന്നെയും കസിന്സിനെയും പേടിപ്പിക്കുവാൻ ഷൈജ ആൻറ്റി ( അമ്മയുടെ മൂത്ത ആങ്ങളയുടെ ഭാര്യ) ഉപയോഗിച്ചിരുന്ന പേരാണ് "അഞ്ചു കണ്ണൻ" 

എനിക്കന്നു ആറു വയസ്സ് കാണും...

അപ്പോഴാണ് ആദ്യമായി ഈ ഭീകരൻ്റെ  പേര് ഞാൻ കേൾക്കുന്നത്. മുഖം നിറയെ കണ്ണുള്ള ഭീകരൻ. എപ്പോൾ വേണമെങ്കിലും റോഡിലൂടെ നടന്നു വരാം. പുള്ളിക്കാരൻ്റെ  പ്രധാന കലാപരിപാടി കുട്ടികളെ പിടിക്കുക, പിന്നെ കണ്ണ് കുത്തി പൊട്ടിച്ചു കറി വെച്ച് തിന്നുക.

സത്യം പറയാം... 

 ഞാനും എൻ്റെ മൂത്ത ആങ്ങളയും (ഏഴു വയസ്സ്), അനിയൻ (മൂന്ന്  വയസ്സ്), അരൂട്ടൻ (അഞ്ചു  വയസ്സ്) പിന്നെ പാവം രീഗാ ( രണ്ടര വയസ്സ്)  ഇതൊക്കെ കൂടെ റോഡിൽ ഇറങ്ങി ആരേലും പിടിച്ചോണ്ടു പോയാൽ പാവം ഷൈജ ആൻറ്റി എന്ത് ചെയ്യാൻ ...

അങ്ങനെ ആൻറ്റിയുടെ മനസ്സിൽ ഉടലെടുത്ത കഥാപാത്രം ആണ് അഞ്ചു കണ്ണൻ..

ഈ അഞ്ചു കണ്ണൻ കാരണം എത്ര ദിവസ്സങ്ങളാണ് ഞങ്ങൾ അടങ്ങി ഒതുങ്ങി വീടിനകത്തു ഇരുന്നിരിക്കുന്നത്....

ഇത് തന്നെയാണ് എൻ്റെ മോനോട് ഞാനൊന്നു പ്രയോഗിച്ചത്...

അവനും ആങ്ങളയുടെ മക്കളും എന്ത് ചെയ്താലും റോഡിൽ നിന്നും വീട്ടിൽ കയറില്ല ... എന്നാൽ പിന്നെ ഞാൻ പറഞ്ഞൂ അഞ്ചു കണ്ണൻ പിടിച്ചോണ്ടു പോവുമ്പോൾ പഠിക്കും...

ഉടനെ വന്നൂ മറുപടി .... ഗൂഗിളിൽ അഞ്ചു കണ്ണൻ്റെ  ഫോട്ടോ കാണിക്കൂ ... ബാക്കി പിന്നെ തീരുമാനിക്കാം എന്നൂ...

ഇനി ഇപ്പോൾ ഷൈജ ആൻറ്റിയോട് ചോദിക്കണം വേറെ വല്ല പുതിയ കഥാപാത്രങ്ങളും ഉണ്ടോ എന്നൂ.... ഇതുങ്ങളെ ഒക്കെ പേടിപ്പിക്കണമെങ്കിൽ ഒത്തിരി കഷ്ടപ്പെടേണ്ടി വരും..

ഓരോന്നും ഒന്നിനൊന്നു മെച്ചമാണ് റയാൻ (7 വയസ്സ്), ജൊഹാൻ (ആറു  വയസ്സ്) , രോഹൻ (അഞ്ചു വയസ്സ്).. പിന്നെ കുഞ്ഞു കാന്താരി ഇസ വാവ (11 മാസം)..

ഗൂഗിൾ അമ്മായിക്ക് എൻ്റെ പ്രണാമം ....

നിങ്ങളുടെ ഒക്കെ ഓർമ്മകളിലും ഒരു പക്ഷേ ഇങ്ങനെയുള്ള ഒരു പേടിപ്പെടുത്തുന്ന കഥാപാത്രം ഉണ്ടാവുമല്ലോ....
Ammayiyude Kuttikurumbanmmar

Amma's Johan

Ammayiyude pokkirikal

Chettanmmar with Esa Vava




അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ