ERUMAKKARI എരുമക്കാരി...- FB, N, G, A

ഒരു പക്ഷെ ഇന്നത്തെ തലമുറയിലെ ആർക്കും ഈ പേര് പരിചയം ഉണ്ടാവില്ല.. എരുമക്കാരി  ... എന്താണേന്നല്ലേ...

അതൊരു രഹസ്യമാണ് ... എന്നാലും പറയാം...

പണ്ടുപണ്ട് എന്ന് പറഞ്ഞാൽ എൻ്റെ അപ്പച്ചൻ്റെ  ചെറുപ്പക്കാലത്തു ഞങ്ങളുടെ പറമ്പിൽ കര നെല്ല് കൃഷി ചെയ്തിരുന്നത്രെ.. ആ നെല്ലിൻ്റെ പേരാണ് എരുമക്കാരി...

നിറയെ മരങ്ങൾ നിൽക്കുന്ന ഈ പറമ്പിൽ ഒരിക്കൽ കരനെൽ കൃഷി ഉണ്ടായിരുന്നൂ എന്ന് പറയുന്നത് എനിക്ക് ഒരു അത്ഭുതം ആയിരുന്നൂ..

തുമ്പപ്പൂ പോലെ ഉള്ള ഈ അരി ഉപയോഗിച്ചിരുന്നത് പാൽക്കഞ്ഞി ഉണ്ടാക്കുവാനായിരുന്നത്രെ..

അക്കാലത്തെ ആളുകളെല്ലാം ഇതിനെ പറ്റി ഒരുപാടു പറയാറുണ്ട്.. വീട്ടിലേക്കുള്ള ആവശ്യത്തിന് വേണ്ടി അപ്പൂപ്പൻ ചെയ്തിരുന്നതാണ്... തറവാട്ടു പറമ്പിൻ്റെ പടിഞ്ഞാറ് വശം മുഴുവൻ ഈ നെല്ല് കതിരിട്ടു നിന്നിരുന്നത്രെ..

പിന്നീടെപ്പോഴോ ഈ കൃഷി അന്യം നിന്ന് പോയി... ഈ പേര് മാത്രം പഴമക്കാരുടെ മനസ്സിൽ ഇന്നും നിൽക്കുന്നൂ..

ഒരിക്കൽ പോലും രുചി അറിഞ്ഞിട്ടില്ല എങ്കിലും  എൻ്റെ മനസ്സിൽ എരുമക്കാരി  ഇന്നും കതിരിട്ടു നിൽക്കുന്നൂ ... പിന്നെ നഷ്ടബോധവും ഒരിക്കലും  ആ കാലഘട്ടത്തിൻ്റെ  ഭാഗം ആകുവാൻ കഴിഞ്ഞില്ലല്ലോ എന്നോർത്ത്....

ആരെങ്കിലും ഈ പേര് കേട്ടിട്ടുണ്ടോ ...

.....................സുജ അനൂപ്