JINN -ജിന്ന് FB, A, G

കുട്ടിക്കാലത്തെപ്പോഴോ ജിന്നിനെ പറ്റി അറേബ്യൻ കഥകളിൽ വായിച്ചിട്ടുണ്ട്.. ഈ സംഭവം ഉണ്ടെന്നും അതിനെ പൂജിക്കുന്നവർ ഉണ്ടെന്നും പിന്നീട് പറഞ്ഞു കേട്ടു..

ഏതായാലും ഇന്ന് ഞാൻ പറയുന്ന കഥ ജിന്നുമായി ബന്ധപ്പെട്ടതാണ്..

അപ്പോൾ വീണ്ടും പാവം എൻ്റെ പുന്നാര അനിയൻ കഥാനായകനാവുന്നൂ..

അന്ന് എൻ്റെ കുഞ്ഞാങ്ങള എട്ടാം ക്ലാസ്സിലോ ഏഴാം ക്ലാസ്സിലോ പഠിക്കുന്നു.. വേനൽ അവധിക്കാലമായപ്പോൾ പോക്കറ്റ് മണിക്കായി ആശാൻ പത്രവിതരണം തുടങ്ങാൻ തീരുമാനിചൂ..

സ്വയംപര്യാപ്തനാവാനുള്ള ശ്രമം ആണ്.. എല്ലാവരും സമ്മതിച്ചൂ.. അവൻ്റെ അടുത്ത കൂട്ടുകാരനും അവനും ചേർന്നാണ് സംരംഭം..

അവൻ്റെ കൂട്ടുക്കാരൻ്റെ മാമായാണ്‌ എല്ലാത്തിനും സപ്പോർട്ട് കൊടുക്കുന്നത്.. ഏതായാലും തകൃതിയായി സംഭവങ്ങൾ നടന്നു തുടങ്ങി..

ചിലപ്പോഴൊക്കെ അവൻ കൂട്ടുകാരൻ്റെ  കൂടെ മാമയുടെ വീട്ടിൽ പോയിരിക്കും.. ബിസിനസ് ചർച്ചകൾ..

അന്നൊരിക്കൽ മാമ അവനു ജിന്നിൻ്റെ കഥ പറഞ്ഞു കൊടുത്തു.. ഭയങ്കര ധൈര്യശാലി ആയ അവൻ കഥ മൊത്തം നന്നായി തന്നെ കേട്ടു..

അത് കേട്ട് ചെറുക്കൻ ചെറുതായി ഒന്ന് പേടിച്ചിട്ടുണ്ടാകും..എന്നാണ് എനിക്ക് തോന്നുന്നത്..

രാത്രിയിൽ ജിന്ന് വരുന്നതും ആൾക്കാരുടെ മേലെ കയറി ബാധയുണ്ടാകുന്നതും എല്ലാം നന്നായി തന്നെ മാമ പറഞ്ഞു കൊടുത്തു..

ഏതായാലും പിറ്റേന്ന് പത്രവിതരണത്തിനു പോയപ്പോൾ അത് സംഭവിച്ചൂ ..

വെളുപ്പിനെ നാലരയ്ക്ക് ആശാൻ പത്രം എടുക്കുവാൻ സൈക്കിളിൽ പോയതാണ്.. പോവുന്ന വഴികളെല്ലാം നിറയെ വളവും തിരിവും ഉണ്ട്.. വഴിവിളക്കുകൾ ഒന്നും ഇല്ല..അരണ്ട വെളിച്ചം മാത്രം..

പെട്ടെന്ന് വളവു തിരിഞ്ഞ അവൻ്റെ മുന്നിൽ ദാ നിൽക്കുന്നൂ ജിന്ന് ..

അവനും പേടിച്ചൂ ജിന്നും പേടിച്ചൂ..

അവൻ്റെ കൈയിൽ നിന്നും സൈക്കിളും പോയി.. അവൻ തെറിച്ചു റോഡിലും വീണു..

അവൻ നോക്കിയപ്പോൾ ജിന്ന് അവൻ്റെ നേരെ ഓടി വരുന്നൂ.. ഏതായാലും തൻ്റെ കാര്യം തീരുമാനമായി അവൻ അത് ഉറപ്പിച്ചൂ..

അവനു ഓടി രക്ഷപെടുവാൻ സാധിക്കുന്നില്ല..

ഇനി ഒരു വഴിയേ ഉള്ളൂ.. ജിന്നിൻ്റെ കാല് പിടിക്കാം..

വലിയ വായിൽ പാവം വിളിച്ചു പറഞ്ഞു.. എന്നെ ഉപദ്രവിക്കരുത്.. പിന്നെ കരച്ചിലായി..

പാവം ജിന്നിന് ആദ്യം അതുഭുതമായി.. ഈ ചെക്കൻ എന്താ പറയുന്നതെന്ന് ജിന്നിന് മനസ്സിലാവണ്ടേ.. പാവം ജിന്ന്‌ തീരെ വിഷമിച്ചു പോയി..

ജിന്ന് പറഞ്ഞു " എൻ്റെ പുള്ളെ ഇജ്ജ് ഞമ്മളെ പേടിപ്പിച്ചു കളഞ്ഞല്ല.. ഇത് ഞമ്മളാണ്"..

പുള്ളിക്കാരി അവനെ തൻ്റെ ബുർഖ മാറ്റി മുഖം കാണിച്ചു കൊടുത്തൂ..

അവൻ ഒരു ചമ്മലോടെ അവരെ നോക്കി..ആ  വഴിയിലുള്ള ഒരു ഇത്താത്ത അത്യാവശ്യമായി എവിടേക്കോ പോകുവാരുന്നൂ..

പുള്ളിക്കാരി അവനെ എഴുന്നേൽപ്പിച്ചു വീട്ടിലേക്കു അയച്ചൂ..

ഏതായാലും അന്നത്തോടെ അവൻ്റെ പത്രവിതരണം നിറുത്തിച്ചൂ ...

.....................സുജ അനൂപ്







അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

THEEPETTI PADAM തീപ്പെട്ടി പടം FB, N, G, E, A

ഇമേജ്
കുട്ടിക്കാലത്തെ ഓർമ്മകളുടെ ഒരേട് തീപ്പെട്ടി പടത്തിനുള്ളതാണ്. ഇന്നത്തെ കുട്ടികൾ പല തരത്തിലുള്ള കാർഡുകൾ ശേഖരിക്കുന്നത് പോലെയാണ് അന്നത്തെ കുട്ടികൾ തീപ്പെട്ടി പടം ശേഖരിച്ചിരുന്നത്. അന്നൊക്കെ എല്ലാ കുട്ടികളുടെ കൈയ്യിലും കാണും ഒരു കെട്ടു തീപ്പെട്ടി പടം. അതും പലതരത്തിൽ ഉള്ളത്.സോന, ഷിപ്പ്, ദുബായ് തുടങ്ങിയവ ആയിരുന്നൂ കൂട്ടത്തിൽ പ്രധാനികൾ. അത് വെച്ച് തീപ്പെട്ടി പടം കളി  കളിക്കുവാൻ നല്ല രസം ആയിരുന്നൂ. അവധി ദിവസങ്ങളെല്ലാം ആനന്ദകരം ആക്കിയിരുന്നതു തീപ്പെട്ടി പടം കളിയായിരുന്നു. ഇതുമായി ബന്ധപെട്ടു പല ഓർമ്മകളും മനസ്സിൽ ഉണ്ട്. അന്ന് ഞാൻ രണ്ടാം ക്ലാസ്സിൽ പഠിക്കുകയാണ്. ആ സമയത്താണ് ഞങ്ങൾ വീട്ടിൽ നിന്നും വേളാങ്കണ്ണിയിലേയ്ക്ക് ഒരു യാത്ര പോകുന്നത്. പഴനി, മധുര പിന്നെ വേളാങ്കണ്ണി.പള്ളിയിൽ നിന്നുള്ള യാത്രയാണ്. തമാശ എന്താണെന്നു വച്ചാൽ എവിടെ വണ്ടി നിർത്തിയാലും ചേട്ടനും അനിയനും കൂടെ ഒരോട്ടമാണ്, ചവറ്റുകൂനകളുടെ അടുത്തേയ്ക്കു. പിന്നെ കാര്യമായി തീപ്പെട്ടി പടം പെറുക്കലാണ്. "അഴുക്കാണ്, പോകരുത്" എന്നൊന്നും പറഞ്ഞാൽ അവർ കേൾക്കില്ല. അപ്പച്ചനും അമ്മച്ചിയും പഠിച്ച പണി പതിനെട്ടും നോക്കി. പക്ഷേ അവൻ...
കൂടുതൽ‍ വായിക്കൂ

സ്‌ലേറ്റും പെൻസിലും SLATUM PENCILUM FB, N, G, A, TMC, LF

ഇമേജ്
സ്‌ലേറ്റും പെൻസിലും മഷി തണ്ടും മറന്നിട്ടൊരു ജീവിതം ഉണ്ടാവില്ല. അത്രമാത്രം അത് ബാല്യകാല സ്മരണകളിൽ ഇന്നും നിറഞ്ഞു നിൽക്കുന്നൂ.. "എന്തോ, സ്‌ലേറ്റിൽ എഴുതി പഠിച്ചത് കൊണ്ടാകും കൈയ്യക്ഷരം നന്നായിരുന്നത്" എന്ന് എനിക്ക് പലപ്പോഴും തോന്നിയിട്ടുണ്ട്. നഴ്സറി ക്ലാസ് മുതൽ നാലാം ക്ലാസ്സ് വരെ സ്‌ലേറ്റ് വേണം എന്ന നിർബന്ധം എൻ്റെ പള്ളിക്കൂടത്തിൽ ഉണ്ടായിരുന്നൂ. എന്നും സ്‌ലേറ്റ് ക്ലാസ്സിൽ കൊണ്ടേ ചെല്ലണം എന്നത് നിർബന്ധമായിരുന്നൂ, രാവിലെ അതിൽ എഴുതി വച്ചിരിക്കുന്ന ഗൃഹപാഠം ആദ്യം നോക്കിയതിനു ശേഷം മാത്രമേ അദ്ധ്യാപകർ ക്ലാസ്സ്‌ തുടങ്ങുമായിരുന്നുള്ളൂ... അതിൽ കിട്ടുന്ന അദ്ധ്യാപകരുടെ വക "GOOD" ആ ദിവസ്സം മൊത്തം  അങ്ങനെ മായ്ക്കാതെ കൊണ്ട് നടക്കുമായിരുന്നൂ... പടം വരയ്ക്കുവാനും മനസ്സിലുള്ളത് കോറിയിടുവാനും ആദ്യം പരിശീലിച്ചത് സ്‌ലേറ്റിൽ ആയിരുന്നൂ... ചിലപ്പോൾ ആരെങ്കിലും ക്ലാസ്സിൽ കന്യാകുമാരി പെൻസിൽ കൊണ്ടുവരും. എല്ലാ കുട്ടികളും പിന്നെ അവരുടെ പുറകെ നടക്കും "ഒരെണ്ണം വേണമെന്ന ആവശ്യവുമായി"... രാവിലെ പറമ്പിൽ നടന്നു നല്ല തടിയൻ  മഷിത്തണ്ട് പറിക്കും. പിന്നെ അതുമായിട്ടാണ് സ്കൂളിലേയ്ക്ക് പോകു...
കൂടുതൽ‍ വായിക്കൂ

EERKIL KALI ഈർക്കിൽ കളി FB, N, K, G, A, NA

ഇമേജ്
വേനൽ അവധിക്കു അമ്മയുടെ വീട്ടിൽ പോയി നിൽക്കുന്ന സമയത്താണ്  ഈർക്കിൽ കളിയോട് ഇഷ്ടം തോന്നി തുടങ്ങിയത്. അമ്മയാണ് കുട്ടിക്കാലത്തെപ്പോഴോ ഈർക്കിൽ കളി പഠിപ്പിച്ചത്.. അമ്മ തന്നെയാണ് കല്ല് കളിയും, കടലാസ്സിൽ കളിക്കുന്ന കള്ളനും പോലീസും, പിൻ ഇടൽ കളിയും എല്ലാം പഠിപ്പിചൂ തന്നത് ... അവധിക്കാലത്തു മഴ പെയ്യുന്ന സമയം പുറത്തിറങ്ങി കളിക്കുവാൻ സാധിക്കില്ല... ഇന്നത്തെ പോലെ അന്ന് അധികം ചാനലുകൾ ഇല്ലാത്തതിനാൽ ടെലിവിഷൻ്റെ മുന്നിൽ ചടഞ്ഞു കൂടി സമയം കളയാനും വയ്യ. ആ സമയങ്ങളിലൊക്കെ ഒരു രക്ഷകനായി മുന്നിൽ ഉണ്ടായിരുന്നത് ഈർക്കിൽ കളിയായിരുന്നൂ. അമ്മൂമ്മ കെട്ടി സൂക്ഷിച്ചു വച്ചിരിക്കുന്ന ചൂലിൽ നിന്നും കുറച്ചു ഈർക്കിൽ അടിച്ചു മാറ്റുന്നൂ. പിന്നെ നേരെ അപ്പൂപ്പൻ്റെ മുറിയിൽ നിന്നും പുസ്തകവും പേനയും എടുത്തു കഴിഞ്ഞാൽ കളിക്കുവാനുള്ള സാമഗ്രികൾ ശരിയായി... ഏറ്റവും നീളമുള്ള ഈർക്കിലിന് 100 പോയന്റ് , പിന്നെ 50 .. പിന്നെ 10 പോയിന്റ് ഉള്ള ചെറിയ ഈർക്കിൽ പത്തെണ്ണം. ഞങ്ങൾ ഇങ്ങനെയാണ് കളിക്കുവാൻ ഈർക്കിൽ എടുത്തിരുന്നത്. മൊത്തം അനങ്ങാതെ എടുത്താൽ 250  പോയന്റ് കിട്ടും. നടുക്കത്തെ മുറിയിൽ ഇരുന്നു കസിൻസിനൊപ്പം...
കൂടുതൽ‍ വായിക്കൂ