"KINAVALLI" കിനാവള്ളി, FB, N, G, A, TMC

കുട്ടിക്കാലത്തെ ഓർമ്മത്താളുകളിൽ മങ്ങാതെ നിൽക്കുന്ന ഒരു ജീവിയാണ് കിനാവള്ളി..... എന്ന് പറഞ്ഞാൽ നമ്മുടെ OCTOPUS.

അന്നൊക്കെ അമ്മയുടെ വീട്ടിൽ വേനലവധിക്ക് പോവുമ്പോൾ മനസ്സിൽ ഒളിപ്പിച്ചു വച്ചിരുന്ന ഒരാഗ്രഹമാണ് തിരുമൂപ്പം വലിയകുളത്തിൽ ഒന്ന് കുളിക്കണം എന്നുള്ളത്. അന്നും ഇന്നും എനിക്ക് നീന്തുവാൻ അറിയില്ല.

വൈകുന്നേരങ്ങളിൽ അപ്പൂപ്പനും കൂട്ടുകാരനും കൂടി വലിയ കുളത്തിൽ കുളിക്കുവാൻ ഒരു പോക്കുണ്ട്. പാവം ഞാൻ എന്നും നോക്കി നില്ക്കും.

ഒരിക്കൽ അപ്പൂപ്പനോട് ചോദിച്ചൂ:

 "എന്നെയും കൂടെ കൊണ്ട് പോകാമോ എന്ന്"

"ഇല്ല കിനാവള്ളി  പിടിക്കും എന്ന് പറഞ്ഞു"

അന്നാണ് ആദ്യമായി കിനാവള്ളി എന്ന ജീവിയെ പറ്റി..... ആ ഒന്നാം ക്ലാസ്സുകാരി കേൾക്കുന്നത്...

അപ്പൂപ്പൻ പറഞ്ഞത് അനുസരിച്ചു കുറെ കൈകൾ  ഉള്ള ഒരു ജീവി. അത് ആ കുളത്തിൽ ഉണ്ടത്രേ: അത് പിടിച്ചു ചോര കുടിക്കും പോലും.

" പിന്നേ"

ഞാൻ പറഞ്ഞു "എന്നെ പറ്റിക്കണ്ട. അങ്ങനെ ആണേൽ അപ്പൂപ്പനെ എന്താ പിടിക്കാത്തത് "

വളരെ വിശ്വസനീയമായ രീതിയിൽ അപ്പൂപ്പൻ പറഞ്ഞു..

"അപ്പൂപ്പൻ വലുതാണല്ലോ,  അതിനു പിടിച്ചു ചോര കുടിക്കാൻ പറ്റില്ല.. കൈയ്യിൽ ഒതുങ്ങില്ലത്രേ; ഇനി എങ്ങാനും പിടിച്ചാൽ തന്നെ പട്ടാളത്തിൽ നിന്നും വിദ്യകൾ പടിച്ചിട്ടാണല്ലോ അപ്പൂപ്പൻ വന്നിരിക്കുന്നത്. നീന്താനും അറിയാം.."

അതിൽ പിന്നെ ഒരിക്കലും വലിയകുളത്തിൻറെ  ഏഴയലത്തുപോലും ഞാൻ പോയിട്ടില്ല.

അന്ന് ഗൂഗിൾ ഇല്ലല്ലോ സെർച്ച് ചെയ്യാൻ...

അന്ന് അത് octopus ആണെന്ന് പോലും എനിക്കറിയില്ല...

അപ്പൂപ്പന് നന്നായിട്ടറിയാമായിരുന്നൂ ഞങ്ങൾ ഒറ്റയ്ക്കു കുളത്തിൽ ചാടുവാൻ പോകും എന്ന്. വികൃതികൾ കാണിക്കുവാൻ ഞാനും കസിന്സും ഒട്ടും മോശം ആയിരുന്നില്ല....

അന്നൊക്കെ ആശ്വസിക്കും...  അപ്പൂപ്പൻ കാരണം കിനാവള്ളിക്ക് എന്നെ പിടിക്കുവാൻ പറ്റിയില്ലല്ലോ എന്നോർത്ത് ....

ഇന്നിപ്പോൾ കിനാവള്ളി ഒരു ചോദ്യമായി മനസ്സിൽ നിൽക്കുന്നൂ....

ഇനി ഇപ്പോൾ കിനാവള്ളി ഉണ്ടായിരുന്നോ അതോ വെറുതെ പറഞ്ഞതാണോ... അറിയില്ല  ......

ഫ്രഷ് വാട്ടർ octopus (ആ വർഗ്ഗത്തിൽ പെടുന്നത്) ഉണ്ടെന്നു ഇപ്പോൾ എനിക്കറിയാം ......

.................................സുജ അനൂപ്




അഭിപ്രായങ്ങള്‍

  1. Unknown2019, ജൂലൈ 1 10:27 AM

    വളരെ മനോഹരമായിരിക്കുന്നു സുജ. പഴയകാല ഒാർമ്മകൾ മനസ്സിലേക്ക് ഓടിയെത്തി.

    മറുപടിഇല്ലാതാക്കൂ
    മറുപടികൾ
    1. Unknown2019, ജൂലൈ 1 11:16 PM

      സുജ ക്ക് കി നാവള്ളി ആണെങ്കിൽ ഞങ്ങളുടെ കുട്ടിക്കാലത്തെ പേടി സ്വപ്നം ചി റ മ്മല്ല ൻ ആ യിരുന്നു പണ്ട് അമ്മയുടെ ആങ്ങളയുടെ വീട്ടിൽ നിൽക്കാൻ പോകുമ്പോൾ ഞങ്ങളെ പറഞ്ഞു പേ ഡിപ്പിച്ചിരുന്നത് ചിറമ്മല്ല ൻ നെ പ്പറ്റി ആയിരുന്നു, നന്ദി സുജ ഒരു ചെറിയ നിമിഷനേരത്തേക്ക് ആണെങ്കിലും ആ പഴയ ഓർമ്മകളിലേക്ക് കൂട്ടിക്കൊണ്ടു പോയതിന്

      ഇല്ലാതാക്കൂ
    2. Short trips2019, ജൂലൈ 2 5:22 AM

      Thanks a lot

      ഇല്ലാതാക്കൂ
  2. Unknown2019, ജൂലൈ 2 3:39 AM

    👍👍

    മറുപടിഇല്ലാതാക്കൂ

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ