SOUHRADHAM സൗഹ്രദം, FB, N, G, A

സൗഹ്രദം എന്ന വാക്കിൻ്റെ  അർഥം അതേ അർത്ഥത്തിൽ ഞാൻ മനസ്സിലാക്കിയത് ബെൻറ്റോച്ഛയുടെയും ബെന്നി ചേട്ടൻ്റെയും    സൗഹ്രദം കണ്ടിട്ടായിരുന്നൂ..

പേരിൽ പോലും ആ പൊരുത്തം ഉണ്ടായിരുന്നൂ...

കുട്ടിക്കാലത്തൊക്കെ അവരെ കളിയാക്കി ഞാൻ ചിലപ്പോൾ വിളിച്ചിരുന്നത് ബെനഡിക്ട് ആൻഡ് ബെനഡിക്ട് എന്നായിരുന്നൂ..

അന്നൊക്കെ വേനലവധിക്കാലത്തു അമ്മവീട്ടിൽ ചെല്ലുമ്പോൾ എൻ്റെ എല്ലാ കുരുത്തക്കേടുകൾക്കെല്ലാം സപ്പോർട്ട് നൽകിയിരുന്നത് അമ്മയുടെ നാലാമത്തെ ആങ്ങള ആയിരുന്നൂ..

ഞാൻ പുള്ളിക്കാരനെ സ്നേഹത്തോടെ ബെൻറ്റോച്ഛ എന്നും ദേഷ്യം വരുമ്പോൾ "ആന" എന്നും വിളിച്ചു പോന്നൂ.. ഉറങ്ങുന്നതും ഉണ്ണുന്നതും പോലും ബെൻറ്റോച്ഛയുടെ കൂടെ ആയിരുന്നൂ..

ബെന്നിച്ചേട്ടൻ ബെൻറ്റോച്ഛയുടെ ഉറ്റ കൂട്ടുകാരനായിരുന്നൂ... ചക്കരയും പീരയും പോലെ..

അന്നൊക്കെ എൻ്റെ  സർകീട്ടു മുഴുവൻ ബെൻറ്റോച്ഛയുടെ സൈക്കിളിൻ്റെ പുറകിലായിരുന്നൂ..

വേറെ ആരും ബെൻറ്റോച്ഛയെ അധികം ഇഷ്ടപ്പെടുന്നതോ ആ സൈക്കിളിൽ കേറുന്നതോ ഞാൻ സഹിക്കില്ല.. അന്ന് മൊത്തം ഞാൻ മുഖം വീർപ്പിച്ചു നടക്കും..

അങ്കിൾ പോവുന്നിടത്തൊക്കെ "വിക്രമാദിത്യൻ്റെ  കൂടെ വേതാളം" എന്ന പോലെ ഞാൻ ഉണ്ടാവും.. അത് കൊണ്ട് തന്നെ എവിടെയും അങ്കിൾ എന്നെ കൂടെ കൊണ്ട് പോവും.. അങ്കിളിൻ്റെ   കൂടെ ഇരുന്നൂ പാട്ടു കേൾക്കുകയാണ് എൻ്റെ അന്നത്തെ മുഖ്യ കലാപരിപാടി...

ഞാനില്ലാതെ അങ്കിൾ എങ്ങും പോവില്ല എന്നറിയാമായിരുന്ന പാവം ബെന്നിചേട്ടൻ അങ്കിളുമായി എവിടെ എങ്കിലും പോവണമെങ്കിൽ  സ്കൂട്ടറുമായിട്ടു വരും..

അങ്ങനെ ബെനെഡിക്ട് ആൻഡ് ബെനെഡിക്റ്റിൻ്റെ  നടുവിൽ ഇരുന്നൂ സ്കൂട്ടറിൽ ഞാൻ കറങ്ങും..

എൻ്റെ ഭാഷയിൽ "മുട്ടൻ പാര"..ആയിരുന്നില്ലേ ഞാൻ.. ആ പാവങ്ങളുടെ കൗമാര യവ്വന യാത്രകളിലെ പാര...

പാവങ്ങൾ ...

വല്ലതും പറയുവാൻ പറ്റുമോ കരഞ്ഞു പ്രശനം ഉണ്ടാക്കി കളയും ഞാൻ...

ഈ ബെന്നിച്ചേട്ടനാണ് ആദ്യമായി എനിക്ക് ഒരു ഇരട്ട പേര് വെക്കുന്നത്.. ഇപ്പോഴും അതോർക്കുമ്പോൾ സങ്കടം വരും...

എന്നെ കാണുമ്പോഴേ ബെന്നി ചേട്ടൻ ചോദിക്കും "അയ് എന്നാടി കാമാച്ചി " എന്ന് ( ആ സമയത്തു ഇറങ്ങിയ ഏതോ സിനിമയിലെ ഡയലോഗ് ആണത്രേ അത് )..

ഇതു കേൾക്കുമ്പോഴേ എൻ്റെ കണ്ട്രോൾ പോവും ... പിന്നെ കരച്ചിലായി ചീത്ത വിളിയായി... ഭൂകമ്പം ആയി..

പാവം ബെൻറ്റോച്ഛ.. സമാധാനിപ്പിച്ചു മടുക്കും.. എന്നും ഇതു തന്നെയാണ് പുകില്..

ബെന്നി ചേട്ടനെ ഞാൻ പറമ്പു മൊത്തം ഓടിക്കും..

അങ്ങനെ സഹിക്കെട്ട ബെൻറ്റോച്ഛ എനിക്ക് ഒരു വഴി പറഞ്ഞു തന്നൂ...

 ഇനി ബെന്നി ചേട്ടൻ കളിയാക്കിയാൽ ഉടനെ നീയും തിരിച്ചു ചോദിക്കണം "അയ് എന്നാഡാ കാമാച്ചാ" എന്ന്...

അങ്ങനെ തത്കാലം അങ്കിൾ എൻ്റെ ഇടിയിൽ നിന്നും രക്ഷപെട്ടു...

ഏതായാലും ഇന്നും മനസ്സിൽ അവരുടെ സൗഹൃദം നിറഞ്ഞു നിൽക്കുന്നൂ....

 ഇപ്പോഴും മറക്കാതെ ആ വിളിപ്പേര് മനസ്സിൻ്റെ  കോണിൽ ഞാൻ സൂക്ഷിക്കുന്നൂ... ആ ഓർമ്മകളും..

.........................സുജ അനൂപ്

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ