LAALI LAALI THUKKALALA "ലാലി ലാലി തുക്കലാലാ" .. FB, N, G

അമ്മ കഥകൾ എഴുതുന്നുണ്ടെന്നു മോന് അറിയാം. ഇടയ്ക്കൊക്കെ ഞാൻ എഴുതുന്ന കഥകൾ വായിച്ചു കൊടുത്തു അവനെ ഞാൻ കഷ്ടപെടുത്താറുള്ളതാണ്.

ചിലപ്പോഴൊക്കെ അവനു രാത്രിയിൽ കഥകൾ കേൾക്കണം അപ്പോൾ മാത്രമേ അവൻ ഉറങ്ങു. അതും അവനെ പറ്റി തന്നെ പെട്ടെന്ന് പറഞ്ഞു കൊടുക്കുന്ന കുട്ടിക്കഥകൾ... അതാണ് അവനു കൂടുതൽ ഇഷ്ടം.

ആ കഥകളിലൊക്കെ അവൻ സ്പൈഡർമാൻ ആയിരിക്കും.

ഇന്നലെ പെട്ടെന്ന് അവൻ ഒരു ആവശ്യം പറഞ്ഞു... അവനെ പറ്റി  ഫേസ്ബുക്കിൽ ഒരു കഥ എഴുതണം..

ആവശ്യം കേട്ടപ്പോൾ എനിക്ക് തോന്നി.. ന്യായമായ കാര്യമാണ്..

"നാട്ടുകാരെ പറ്റി എഴുതുന്നൂ.. ബന്ധുക്കളെ പറ്റി എഴുതുന്നൂ.. പിന്നെ എന്തുകൊണ്ട് അവനെ പറ്റി ഒന്ന് എഴുതി നോക്കിക്കൂട.."

അന്ന് അവനു ഒന്നര വയസ്സ് പ്രായം.. പെറുക്കി പെറുക്കി ഓരോ വാക്കുകൾ പറയുന്ന പ്രായമാണ്..

ആ സമയത്താണ് അവധിക്കു നാട്ടിൽ പോകുവാൻ തീരുമാനിച്ചത്. അങ്ങനെ കാറോടിച്ചു ഞങ്ങൾ നാട്ടിൽ എത്തി...

ബാംഗ്ലൂരിൽ നിന്നും വെളുപ്പിനെ പുറപെട്ടതാണ്.. അതുകൊണ്ടു തന്നെ നല്ല ക്ഷീണവും ഉണ്ട്.

രാത്രിയിലെ ഭക്ഷണവും കഴിഞ്ഞു ഉറങ്ങുവാൻ തീരുമാനിച്ചു.

ചെക്കൻ ഉറങ്ങിയാലേ എനിക്ക് ഉറങ്ങുവാൻ പറ്റൂ..

മോനെ ഉറക്കുവാൻ നോക്കിയിട്ടു അവൻ ഉറങ്ങുന്നില്ല... പതിവില്ലാത്ത വിധം കരച്ചിലാണ്..

ഒന്ന് മാത്രമേ അവൻ പറയുന്നുള്ളൂ.. "ലാലി ലാലി തുക്കലാലാ" ..

"ഇതെന്താ സംഭവം" എന്ന് എനിക്ക് മനസ്സിലായില്ല....

പിന്നെ അതറിയുവാൻ ലക്ഷ്മിയെ വിളിച്ചൂ.. അപ്പോഴാണ് കാര്യങ്ങൾ മനസ്സിലായത്..

"രണ്ടു ദിവസമായി ലക്ഷ്മി അവനു ഉറങ്ങുവാൻ പുതിയ ഒരു പാട്ടു പാടി കൊടുക്കുന്നുണ്ട്.. "

ആ പാട്ടു ഞാൻ പാടണം എന്നതാണ് അവൻ്റെ ആവശ്യം..

മലയാളത്തിൽ മര്യാദയ്ക്ക് പാടുവാനറിയാത്ത ഞാൻ ഇനി കന്നടയിൽ താരാട്ടു പാട്ടു പാടണം..

പിന്നെ അവൻ പറയുന്നത് പോലെ അല്ല യഥാർത്ഥത്തിൽ അത് "ലാലി ലാലി സുകുമാര" എന്നാണ്‌...

ഈ പാട്ടു 1983 ൽ ഇറങ്ങിയ "ഭക്ത പ്രഹ്ളാദ" എന്ന കന്നഡ സിനിമയിൽ നിന്നുള്ളതാണ്. രാജ്‌കുമാറും (കന്നഡയിലെ സൂപ്പർസ്റ്റാർ) സരിതയുമാണ് (നടൻ മുകേഷിൻ്റെ മുൻ ഭാര്യ തന്നെ) കേന്ദ്ര കഥാപാത്രങ്ങളെ അവതരിപ്പിചിരിക്കുന്നത്.

രാജ്‌കുമാറും വാണിജയറാമും കൂടെയാണ് ഈ പാട്ടു പാടിയിരിക്കുന്നത്..

കുട്ടിയായ പ്രഹ്ളാദന് അമ്മ പാടികൊടുക്കുന്ന താരാട്ടു പാട്ടാണ് ഇത്. ഏതായാലും അവനു തല്ക്കാലം ഞാൻ യു ട്യൂബിൽ ആ പാട്ടു അങ്ങു ഇട്ടു കൊടുത്തു.

പാവം... അവൻ അത് കേട്ട് ഉറങ്ങി.

പക്ഷെ എന്നിലെ അമ്മ പരാജയം സമ്മതിച്ചില്ല. അന്ന് തന്നെ കുത്തിയിരുന്ന് ആ പാട്ടു മൊത്തം പഠിച്ചൂ..

എനിക്ക് ആകെ അറിയാവുന്ന കന്നഡ പാട്ട് ഇന്നും ഇത് മാത്രമാണ്...

 പാട്ടിൻ്റെ ലിങ്ക് താഴെ കൊടുത്തിട്ടുണ്ട്....

.....................സുജ അനൂപ്


https://www.youtube.com/watch?v=hKGLHdOEUUU




അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ