MAZHAKKALAM മഴക്കാലം FB, A, G

മനസ്സിൽ എന്നും മഴ തോരാതെ പെയ്യുകയാണ്....

 ഞാൻ എന്നും മഴയെ പ്രണയിച്ചിട്ടേയുള്ളൂ...

മണ്ണിൻ്റെ മണമുള്ള ആദ്യമഴ... മനസ്സിനെ തട്ടി ഉണർത്തും...

നല്ല കോരിച്ചൊരിയുന്ന മഴയിൽ കുടയില്ലാതെ ഇറങ്ങി നടന്നിരുന്ന കുട്ടിക്കാലമാണ് എനിക്ക് ഏറ്റവും ഇഷ്ടം..

പുത്തൻ യൂണിഫോമും ഇട്ടു ജൂൺ മാസത്തിൽ  ആദ്യത്തെ ക്ലാസ്സിലേയ്ക്ക് പാടവരമ്പത്തു കൂടെ നടന്നു പോവുമ്പോൾ വില്ലനായെത്തുന്ന മഴ....

മൊത്തം യൂണിഫോമും മഴയിൽ കുതിരും.. പിടിച്ചിരിക്കുന്ന കുടയുടെ കാറ്റത്തെ കസർത്തു വേറെ...എന്നാലും മഴയോട് ദേഷ്യം ഇല്ല... നനഞ്ഞങ്ങനെ ക്ലാസ്സിൽ ഇരിക്കുമ്പോൾ കിട്ടുന്ന  സുഖം....

നല്ല കോരിച്ചൊരിയുന്ന മഴയത്തു അടർന്നു വീഴുന്ന മഴത്തുള്ളികൾ ഓടിൻ്റെ മുകളിൽ തട്ടുമ്പോൾ ഉണ്ടാവുന്ന സംഗീതം അതും എനിക്ക് ഇഷ്ടമാണ്.. തറവാട് വീടിൻ്റെ പടികളിൽ ഇരുന്നു അത് ആസ്വദിച്ചിരുന്ന ഒരു കുട്ടിക്കാലമുണ്ട് എനിക്ക്...

മഴത്തുള്ളികളുടെ പാട്ടും ആസ്വദിച്ചു ജനാലയോടു ചേർന്നുള്ള കട്ടിലിൽ ഒരു പുതപ്പിനുള്ളിലേയ്ക്ക് ചുരുണ്ടു കൂടുന്നതിൻ്റെ സുഖം അതനുഭവിച്ചാലേ മനസ്സിലാകൂ..

മഴവെള്ളത്തിൽ എൻ്റെ എത്ര കടലാസു വഞ്ചികളാണ് ഒഴുകി പോയത്.... എല്ലാ അവധിക്കാലങ്ങളിലും കസിൻസിനോടൊപ്പം ഇറയത്തിരുന്നു കടലാസു വഞ്ചികൾ ഒഴുക്കി വിട്ടിരുന്ന ബാല്യകാലം..

വീട്ടിൽ അന്ന് രണ്ടു കുളങ്ങൾ ഉണ്ടായിരുന്നൂ... മഴയിൽ അത് നിറഞ്ഞു  വെള്ളം പറമ്പിലേയ്ക്ക് കവിഞ്ഞൊഴുകും.. ആ വെള്ളത്തിലാണ് അപ്പച്ചൻ ഉണ്ടാക്കി തരുന്ന ചങ്ങാടത്തിൽ ഞങ്ങൾ തുഴയുന്നത്... വാഴത്തടി കൊണ്ടുള്ള കൊച്ചു ചങ്ങാടം...

ഇന്ന് ഇപ്പോൾ ബാൽക്കണിയിലൂടെ കാണുന്ന മഴയ്ക്കും സൗന്ദര്യം ഉണ്ട്. ഒരു ചായക്കപ്പുമായി ഇങ്ങനെ നോക്കി നിൽകുമ്പോൾ കിട്ടുന്ന സുഖം ഏതു  വലിയ ഹോട്ടലിലെ സൗകര്യങ്ങൾക്കും പകർന്നു നൽകുവാൻ കഴിയില്ല...

ഇടയ്ക്കൊക്കെ ആലിപ്പഴം പൊഴിഞ്ഞു വീഴുന്നത് കാണാം...

പക്ഷെ....ഒരിക്കലൂം പേമാരിയായി പെയ്തിറങ്ങി സംഹാരതാണ്ഡവമാടുന്ന മഴയോട് സ്നേഹമില്ല...

സ്നേഹത്തോടെ തുള്ളി തുള്ളിയായി പതിയെ മണ്ണിലേയ്ക്ക് ആഴ്ന്നിറങ്ങുന്ന മഴയാണ് ഇഷ്ടം..

.....................സുജ അനൂപ്





അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ