NAGARA JEEVITHATHINTE MARUPURAM ANJAAM BHAGAM നഗര ജീവിതത്തിൻ്റെ മറുപുറം അഞ്ചാം ഭാഗം FB

അന്ന് വളരെ തിരക്ക് പിടിച്ചാണ് ഞാൻ ഓഫീസിലേയ്ക്ക് ഇറങ്ങിയത്. വീട്ടിലെ കുറച്ചു പണികളിലെല്ലാം തീർത്തു വന്നപ്പോൾ നേരം  വൈകിയിരുന്നൂ.

വണ്ടിയിൽ കയറിയ ഉടനെ പതിയെ മനസ്സിൽ കൊന്ത ചൊല്ലി തുടങ്ങി....

അല്ലെങ്കിൽ മൊബൈലിൽ പഴയ പാട്ടുകൾ കേൾക്കും. അതാണ് സാധാരണ പതിവ്.

പെട്ടെന്നാണ് ആ നിശ്ശബ്ദതയെ ഭേദിച്ചുകൊണ്ട് ഒരു മലയാളിയുടെ ശബ്ദം കടന്നു വന്നത്.

ആഹാ... OLA ഓടിക്കുന്ന ആൾ മലയാളത്തിൽ ഫോൺ ചെയ്യുന്നൂ...

ഇത്രയും വർഷത്തിനു ഇടയ്ക്കു ഇതിപ്പോൾ രണ്ടാമത്തെ തവണയാണ് മലയാളികളെ ഡ്രൈവർ ആയി കിട്ടുന്നത് ...

പിന്നെ ഒന്നും നോക്കിയില്ല.. വിശേഷങ്ങൾ ചോദിച്ചു...

പുള്ളിക്കാരൻ വയനാട്ടിൽ നിന്നാണത്രെ...

പക്ഷെ കൊച്ചിയിൽ കുറെ കൂട്ടുകാരുണ്ട്.. വണ്ടിയുമായി ബന്ധപ്പെട്ടുള്ള ബന്ധമാണ്..

ചുമ്മാ തമാശയ്ക്കാണ് ചോദിച്ചത്...

" ബെല്ല ബേബി അറിയുമോ?"

ഉടനെ വന്നു മറുപടി "പിന്നെ, സിനോജല്ലേ എൻ്റെ കൂട്ടുകാരൻ ആണ്"

അങ്ങനെ ആങ്ങളയുടെ കൂട്ടുകാരനെ ബാംഗ്ലൂരിൽ കണ്ടു കിട്ടി...

ഉടനെ തന്നെ  ആങ്ങളയെ വിളിച്ചു ഫോൺ കൊടുത്തൂ...

ചില യാത്രകൾ അങ്ങനെയാണ്. പ്രതീക്ഷിക്കാതെ പലരെയും വഴിയിൽ കണ്ടുമുട്ടുന്നൂ..

"മലയാളി ആണെന്ന് അറിഞ്ഞാൽ പോലും സംസാരിക്കുവാൻ ഇഷ്ടപ്പെടാത്തവർ ഉണ്ടത്രേ. അല്ലെങ്കിലും കാബിൽ കയറുന്നവർ പലതരത്തിൽ ഉള്ളവരാണ് " അത് അയാൾ വിഷമത്തോടെ പറഞ്ഞതാണ്.

ഈ നഗരം അങ്ങനെയാണ്. എല്ലാവരും തിരക്ക് പിടിച്ചു ഓടുകയാണ്. രണ്ടറ്റവും കൂട്ടിമുട്ടിക്കുവാൻ ഓടുന്നവർ ഒരു ഭാഗത്തു൦, കോടികൾ കണ്ടു മഞ്ഞളിച്ചിട്ടും വീണ്ടും വാരിക്കൂട്ടുവാൻ ഓടുന്നവർ മറുഭാഗത്തും..

ഓട്ടത്തിനിടയിൽ വീണു പോകുന്നവർ ആണ് അധികവും....

ചിലരുണ്ട് ഇവിടെ...

 എല്ലാം നേടിക്കഴിഞ്ഞു തിരിഞ്ഞു നോക്കുമ്പോൾ ഒറ്റപെട്ടു പോയി എന്ന് മനസ്സിലാക്കുന്നവർ...

പണത്തിനു നേടി തരുവാൻ കഴിയാത്ത ബന്ധങ്ങൾ വൈകി തിരിച്ചറിയുന്നവർ...

നഗരം ആയാലും ഗ്രാമം ആയാലും ജീവിതം ഓടി തന്നെ തീർക്കണം. അതിൽ സഹജീവികളോട് ഇത്തിരി കരുണ കൂടി ആവാം...

എന്തിനാണോ ജീവിതത്തിൽ മുൻഗണന നൽകേണ്ടത് എന്നത് തിരിച്ചറിഞ്ഞു ജീവിച്ചാൽ ജീവിതം സുഖകരം ആണ്...

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

സ്‌ലേറ്റും പെൻസിലും SLATUM PENCILUM FB, N, G, A, TMC, LF

ഇമേജ്
സ്‌ലേറ്റും പെൻസിലും മഷി തണ്ടും മറന്നിട്ടൊരു ജീവിതം ഉണ്ടാവില്ല. അത്രമാത്രം അത് ബാല്യകാല സ്മരണകളിൽ ഇന്നും നിറഞ്ഞു നിൽക്കുന്നൂ.. "എന്തോ, സ്‌ലേറ്റിൽ എഴുതി പഠിച്ചത് കൊണ്ടാകും കൈയ്യക്ഷരം നന്നായിരുന്നത്" എന്ന് എനിക്ക് പലപ്പോഴും തോന്നിയിട്ടുണ്ട്. നഴ്സറി ക്ലാസ് മുതൽ നാലാം ക്ലാസ്സ് വരെ സ്‌ലേറ്റ് വേണം എന്ന നിർബന്ധം എൻ്റെ പള്ളിക്കൂടത്തിൽ ഉണ്ടായിരുന്നൂ. എന്നും സ്‌ലേറ്റ് ക്ലാസ്സിൽ കൊണ്ടേ ചെല്ലണം എന്നത് നിർബന്ധമായിരുന്നൂ, രാവിലെ അതിൽ എഴുതി വച്ചിരിക്കുന്ന ഗൃഹപാഠം ആദ്യം നോക്കിയതിനു ശേഷം മാത്രമേ അദ്ധ്യാപകർ ക്ലാസ്സ്‌ തുടങ്ങുമായിരുന്നുള്ളൂ... അതിൽ കിട്ടുന്ന അദ്ധ്യാപകരുടെ വക "GOOD" ആ ദിവസ്സം മൊത്തം  അങ്ങനെ മായ്ക്കാതെ കൊണ്ട് നടക്കുമായിരുന്നൂ... പടം വരയ്ക്കുവാനും മനസ്സിലുള്ളത് കോറിയിടുവാനും ആദ്യം പരിശീലിച്ചത് സ്‌ലേറ്റിൽ ആയിരുന്നൂ... ചിലപ്പോൾ ആരെങ്കിലും ക്ലാസ്സിൽ കന്യാകുമാരി പെൻസിൽ കൊണ്ടുവരും. എല്ലാ കുട്ടികളും പിന്നെ അവരുടെ പുറകെ നടക്കും "ഒരെണ്ണം വേണമെന്ന ആവശ്യവുമായി"... രാവിലെ പറമ്പിൽ നടന്നു നല്ല തടിയൻ  മഷിത്തണ്ട് പറിക്കും. പിന്നെ അതുമായിട്ടാണ് സ്കൂളിലേയ്ക്ക് പോകു
കൂടുതൽ‍ വായിക്കൂ

THEEPETTI PADAM തീപ്പെട്ടി പടം FB, N, G, E, A

ഇമേജ്
കുട്ടിക്കാലത്തെ ഓർമ്മകളുടെ ഒരേട് തീപ്പെട്ടി പടത്തിനുള്ളതാണ്. ഇന്നത്തെ കുട്ടികൾ പല തരത്തിലുള്ള കാർഡുകൾ ശേഖരിക്കുന്നത് പോലെയാണ് അന്നത്തെ കുട്ടികൾ തീപ്പെട്ടി പടം ശേഖരിച്ചിരുന്നത്. അന്നൊക്കെ എല്ലാ കുട്ടികളുടെ കൈയ്യിലും കാണും ഒരു കെട്ടു തീപ്പെട്ടി പടം. അതും പലതരത്തിൽ ഉള്ളത്.സോന, ഷിപ്പ്, ദുബായ് തുടങ്ങിയവ ആയിരുന്നൂ കൂട്ടത്തിൽ പ്രധാനികൾ. അത് വെച്ച് തീപ്പെട്ടി പടം കളി  കളിക്കുവാൻ നല്ല രസം ആയിരുന്നൂ. അവധി ദിവസങ്ങളെല്ലാം ആനന്ദകരം ആക്കിയിരുന്നതു തീപ്പെട്ടി പടം കളിയായിരുന്നു. ഇതുമായി ബന്ധപെട്ടു പല ഓർമ്മകളും മനസ്സിൽ ഉണ്ട്. അന്ന് ഞാൻ രണ്ടാം ക്ലാസ്സിൽ പഠിക്കുകയാണ്. ആ സമയത്താണ് ഞങ്ങൾ വീട്ടിൽ നിന്നും വേളാങ്കണ്ണിയിലേയ്ക്ക് ഒരു യാത്ര പോകുന്നത്. പഴനി, മധുര പിന്നെ വേളാങ്കണ്ണി.പള്ളിയിൽ നിന്നുള്ള യാത്രയാണ്. തമാശ എന്താണെന്നു വച്ചാൽ എവിടെ വണ്ടി നിർത്തിയാലും ചേട്ടനും അനിയനും കൂടെ ഒരോട്ടമാണ്, ചവറ്റുകൂനകളുടെ അടുത്തേയ്ക്കു. പിന്നെ കാര്യമായി തീപ്പെട്ടി പടം പെറുക്കലാണ്. "അഴുക്കാണ്, പോകരുത്" എന്നൊന്നും പറഞ്ഞാൽ അവർ കേൾക്കില്ല. അപ്പച്ചനും അമ്മച്ചിയും പഠിച്ച പണി പതിനെട്ടും നോക്കി. പക്ഷേ അവൻ
കൂടുതൽ‍ വായിക്കൂ

സ്വവർഗ്ഗാനുരാഗം SWAVARGANURAGAM FB, N, E, K, A, AP, P, G

"ഞാൻ അവളെ വെറുതെ വിടില്ല. മാഡം എന്നെ പിടിച്ചു നിർത്തുവാൻ നോക്കണ്ട" അലറി വിളിക്കുന്ന ആ കുട്ടിയെ നിയന്ത്രിക്കുവാൻ എനിക്കാവുന്നുണ്ടായിരുന്നില്ല.. ആദ്യമായാണ് അങ്ങനെ ഗൗരിയെ ഞാൻ കാണുന്നത്...എൻ്റെ കീഴിൽ അവൾ ഗവേഷണം ചെയ്യുവാൻ തുടങ്ങിയിട്ട് അഞ്ചു മാസം മാത്രമേ ആയിട്ടുള്ളൂ... യൂണിവേഴ്സിറ്റിയുടെ ഹോസ്റ്റലിൽ അവളും എൻ്റെ കീഴിൽ ഗവേഷണം നടത്തുന്ന മറ്റൊരു കുട്ടിയും (സരിഗ) കൂടെ ഒരുമിച്ചു താമസിക്കുന്നൂ.. അഞ്ചു മാസം മാത്രമേ ആയിട്ടുള്ളൂ അവൾ വന്നിട്ട്. പക്ഷേ പെട്ടെന്ന് തന്നെ അവൾ എനിക്ക് പ്രീയപെട്ടവളായി മാറിയിരുന്നൂ...പെട്ടെന്നാണ് സരിഗയുടെ വിവാഹം നിശ്ചയിച്ചത്,വിനു അവളുടെ മുറച്ചെറുക്കനാണ്. ആ വാർത്ത അറിഞ്ഞതിൽ പിന്നെ ഗൗരിയിൽ പ്രകടമായ മാറ്റം ഞാൻ കണ്ടു തുടങ്ങി.പെട്ടെന്ന് അവൾ ഏതോ ചിന്തയിൽ ആയതു പോലെ... സരിഗയാണ് ഗൗരിയെക്കുറിച്ചുള്ള പരാതിയുമായി എൻ്റെ അടുത്തേയ്ക്കു വന്നത്.വിനുവിനെ വിളിച്ചു ഗൗരി പറഞ്ഞത്രേ.. "സരിഗയും അവളുമായി സ്നേഹത്തിലാണ്. അതുകൊണ്ടു തന്നെ അവൻ വിവാഹത്തിൽ നിന്നും പിൻമാറണം." ഏതായാലും വിനു അവളെ വിളിച്ചു കാര്യങ്ങൾ പറഞ്ഞു.. ഏതായാലും സരിഗയും ഗൗരിയുമായി ഒന്നും രണ്ടും പറ
കൂടുതൽ‍ വായിക്കൂ