SUTTU ENNA MAHATHI സുട്ടു എന്ന മഹതി FB, N, G

അന്നൊരിക്കൽ കൂട്ടുകാരൻ്റെ വീട്ടിൽ പോയിട്ട് വന്ന കുഞ്ഞാങ്ങളയുടെ കൈയ്യിൽ എനിക്കായി ഒരു സമ്മാനം ഉണ്ടായിരുന്നൂ..

 കൂട്ടുകാരൻ കൊടുത്തതാണ്.

അവളെ ഞാൻ "സുട്ടു" എന്ന് വിളിച്ചൂ..

അന്ന് അവൾക്കു ഇരുപത്തെട്ടു ദിവസ്സം മാത്രെമേ പ്രായം ഉണ്ടായിരുന്നുള്ളൂ. സ്വന്തം അമ്മയെ പിരിഞ്ഞതിലുള്ള ദുഃഖം അവളുടെ മുഖത്തുണ്ടായിരുന്നൂ. ആ ദിവസ്സങ്ങളിൽ അനിയൻ്റെ  അടുത്തല്ലാതെ ആരുടെ കൈയ്യിലും അവൾ പോകില്ല.

രാത്രിയിൽ ഉറങ്ങാതെ കരയുന്ന അവളുടെ സങ്കടം മാറ്റുവാൻ ഒരു മാസം അനിയൻ്റെ കൂടെ കിടത്തിയാണ് അവളെ ഉറക്കിയത്. പിന്നീട് ഞാൻ ഒരു ടെഡി ബെയറിനെ വാങ്ങിച്ചു കൊടുത്തു. അതിൻ്റെ കൂടെയായി അവളുടെ ഉറക്കം.

തോളത്തിട്ടു അവളെ കൊണ്ട് നടക്കാത്ത ഒരു കൂട്ടുകാരൻ പോലും ആങ്ങളമാർക്കു ഉണ്ടായിരുന്നില്ല.

എപ്പോഴോ അവൾ ഞങ്ങളുടെ ജീവിത്തിൻ്റെ ഭാഗമായി മാറി. വീട്ടിൽ എവിടെ ഓടി നടക്കുവാനുമുള്ള സ്വാതന്ത്യം അവൾക്കു ഉണ്ടായിരുന്നൂ..

അയല്പക്കകാർക്കും അവളെ ഒത്തിരി ഇഷ്ടമായിരുന്നൂ...

ആള് ഭയങ്കര കുസൃതിയാണ്. എല്ലാവരെയും ഓടി വന്നു കെട്ടി പിടിക്കും. അത് രണ്ടാമത്തെ ആങ്ങളയ്ക്കു അത്ര താല്പര്യം ഇല്ല.

രാവിലെ പത്രം വീഴുന്നത് ചാടി പിടിച്ചു അത് കുനു കുനാ കീറി കളയുന്നത് അവൾക്കു വലിയ ഇഷ്ടമാണ്. എത്ര പറഞ്ഞാലും അവൾ കേൾക്കില്ല.

അങ്ങനെ ഗതി മുട്ടി അവൻ ഒരു ദിവസ്സം അവൾക്കിട്ടു ഒന്ന് കൊടുത്തു. അതോടെ പത്രം കീറുന്നത് അവൾ അങ്ങു നിറുത്തി...

അതിൽ പിന്നെ അവൻ്റെ കാര്യത്തിൽ ഒരു തീരുമാനം ആയി.

എന്നും രാവിലെ അവനായിട്ടു അവൾ മുൻവശത്തെ വാതിലിൻ്റെ മുന്നിൽ കണി വയ്ക്കും.

വേറെ ഒന്നുമല്ല.

അവൻ്റെ എന്തെങ്കിലും സാധനം കുനു കുനാ അങ്ങു കടിച്ചു കീറും.

അവൻ്റെ ഷൂ, സോക്സ് അങ്ങനെ പോവും പട്ടിക...

ബാക്കി എല്ലാവരുടെയും ഷൂ ഒരുമിച്ചു വച്ചാലും അവൾ കൃത്യമായി അവൻ്റെ ഷൂ എടുത്തു കൊണ്ട് പോയി കടിച്ചു കീറും.

ഷൂ കിട്ടിയില്ലേൽ ചെരുപ്പ് അതും ഇല്ലെങ്കിൽ അവൻ്റെ വണ്ടിയിൽ പോറുക, അതും പറ്റിയില്ലെങ്കിൽ വണ്ടിയിൽ മുള്ളി ഒഴിക്കുക..

അവൾ ചെയ്‌തതാണോ എന്ന് ചോദിച്ചാൽ " നീ പോടാ ചെക്കാ" എന്ന രീതിയിലാണ് അവൾ അവനെ നോക്കുന്നത്.

അവളെ തല്ലുവാൻ വീട്ടിൽ ആരും സമ്മതിക്കില്ല... ആ ധൈര്യം അവൾക്കുണ്ട്..

അങ്ങനെ കുറച്ചു ദിവസ്സങ്ങൾ കടന്നു പോയി. അവളെ കൊണ്ടുള്ള ഉപദ്രവം നിറുത്തുവാൻ അവസാനം അവൻ അവളുടെ കാലു പിടിക്കേണ്ടി വന്നു...

ഒരു പത്തു വർഷത്തോളം അവൾ വീട്ടിൽ ഉണ്ടായിരുന്നൂ.

ഒരു ദിവസ്സം മൂത്ത ആങ്ങളായാണ് സുട്ടു  മരിച്ചു പോയി എന്ന വിവരം എന്നെ വിളിച്ചറിയിക്കുന്നത്. അന്ന് ഞാൻ ബാംഗ്ലൂരിൽ ആയിരുന്നൂ.

എങ്ങനെ മരിച്ചൂ എന്ന് ആദ്യം സംശയിച്ചൂ...

 പക്ഷെ അവൾ പറമ്പിൽ മരിച്ചു കിടന്ന സ്ഥലത്തു നിന്നും കുറച്ചകലെയായി മൂർഖൻ പാമ്പിൻ്റെ ശവം കണ്ടു കിട്ടിയതോടെ ആണ് അതൊരു വീരമൃത്തു ആണെന്ന് മനസ്സിലായത്.

രാത്രിയിലെപ്പോഴോ വീട്ടിലേയ്ക്കു നുഴഞ്ഞു കയറുവാൻ ശ്രമിച്ച പാമ്പിനെ കൊല്ലുവാൻ അവൾ ശ്രമിച്ചിരിക്കണം. അത് അവളെ കടിച്ചതാണ് മരണ കാരണം.

അവളുടെ മരണം സംഭവിച്ചിട്ടു ഇപ്പോൾ  വർഷം  അഞ്ചായി.

പക്ഷെ  ഈ പ്രാവശ്യം വീട്ടിൽ ഞാൻ ചെന്നപ്പോൾ എന്നെ കാത്തു അവൾ അവിടെ ഉണ്ടായിരുന്നൂ. എൻ്റെ സുട്ടുവിനെ പോലെ ഇരിക്കുന്ന മറ്റൊരുവൾ. അനിയൻ കൊണ്ട് വന്നതാണ്..


അവളെ  വീണ്ടും ഞാൻ സുട്ടു എന്ന് വിളിചൂ.....

.....................സുജ അനൂപ്



സുട്ടു 

പുതിയ സുട്ടു 


അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ENNU SWANTHAM എന്ന് സ്വന്തം, A, E, FB, K

 'എന്തിനാണ് അവൾ എന്നെ കാണണം എന്ന് പറഞ്ഞത്?'  അവളുടെ ഫോൺ കാൾ വന്നതോടെ മനസ്സ് ആകെ അസ്വസ്ഥം ആയിരുന്നൂ. ഒരിക്കൽ എല്ലാം ഉപേക്ഷിച്ചതാണ്. അന്ന് ഞാൻ ഒത്തിരി വേദനിച്ചു. ഈ രണ്ടു വർഷം കൊണ്ട് ഞാൻ എത്ര മാറിപ്പോയി എന്ന് അവൾക്കറിയില്ല.   'കാലം ഉണക്കാത്ത മുറിവുകൾ ഉണ്ടോ' എന്ന് പറയുന്നവരുണ്ട്  ഉണ്ടല്ലോ, എന്ന് ഞാൻ പറയും. അതേ, ആദ്യ പ്രണയം. അത് അങ്ങനെ ഒരു വിങ്ങൽ ആയി മനസ്സിൻ്റെ ഒരു കോണിൽ കിടക്കും. മരിക്കും വരെ അത് അവിടെ തന്നെ കാണും.  എൻ്റെ പ്രണയം. എൻ്റെ കവിത..  കോളേജിൽ എല്ലാവർക്കും അറിയാവുന്ന പ്രണയ ജോഡികൾ ആയിരുന്നൂ ഞങ്ങൾ. അവളെ കാണുവാൻ വേണ്ടി മാത്രം കോളേജിൽ പോയിരുന്ന ദിവസ്സങ്ങൾ. അവൾക്കായി മാത്രം ആണ് ആ ക്യാമ്പസ്സിലെ ചെമ്പകമരങ്ങൾ പൂത്തിരുന്നത് എന്ന് തോന്നിപ്പോയിരുന്ന കാലം.  എൻ്റെ കവിതയ്ക്കായി മാത്രം ഞാൻ എഴുതിയ കവിതകൾ.. അവളോട് ഇഷ്ടം തുറന്നു പറയുവാൻ ഞാൻ എത്ര സമയം എടുത്തൂ. അവൾ പ്രണയം നിരസിക്കുകയാണെങ്കിൽ മരിക്കുവാൻ പോലും തയ്യാറായിരുന്നൂ അപ്പോൾ ഞാൻ. അത്രയ്ക്ക് അവൾ എൻ്റെ മനസ്സിനെ കീഴടക്കിയിരുന്നൂ.  പക്വത ഇല്ലാത്ത പ്രണയം ഒന്നും ആയിരുന്നില്ല ഞങ്ങളുടേത്. ബിരുദാനന്ത ബിരുദത്തിന...
കൂടുതൽ‍ വായിക്കൂ

ENTE APPACHAN എൻ്റെ അപ്പച്ചൻ

 ജീവിതത്തിൽ കടങ്ങൾ ഒന്നും ബാക്കി വയ്ക്കരുത് എന്നുള്ളത് എനിക്ക് നിർബന്ധമാണ്. എന്നോട് "എഴുതണം നീ" എന്ന് ആവശ്യപ്പെട്ടത് എൻ്റെ  ഭർത്താവാണെങ്കിൽ അതിനുള്ള അടിത്തറ എനിക്ക് സ്വന്തമായത് എൻ്റെ പൈതൃകത്തിൽ നിന്നാണ്. അപ്പച്ചനായിരുന്നു കുട്ടിക്കാലത്തു ഒത്തിരി കഥകൾ എനിക്ക് പറഞ്ഞു തന്നിരുന്നത്. ആ കഥകൾ പിന്നീട് എഴുതുവാൻ എനിക്ക് ചാലകശക്തി നൽകി. അപ്പച്ചൻ എഴുതുമെന്ന് എനിക്കറിയാം.. ലോഡ്ഷെഡിങ്, ഇന്നത്തെ കുട്ടികൾക്ക് അറിയില്ലായിരിക്കും, അന്നൊക്കെ എൻ്റെ കുട്ടിക്കാലത്തു അത് ജീവിതത്തിൻ്റെ ഭാഗം ആയിരുന്നല്ലോ.  ആ സമയങ്ങളിൽ രാത്രീ കത്തിച്ചു വയ്ക്കുന്ന മണ്ണെണ്ണ വിളക്കിനു ചുറ്റിലും ഞാനും എൻ്റെ മൂന്നു ആങ്ങളമാരും ഉണ്ടാകും അപ്പനോടൊപ്പം കാതുകൾ കൂർപ്പിച്ചു. എനിക്ക് പ്രേതകഥകൾ കേൾക്കുവാൻ ഒത്തിരി ഇഷ്ടം ആയിരുന്നൂ. ഒരു കൊന്തയും കൈയ്യിൽ പിടിച്ചു അപ്പച്ചൻ പറഞ്ഞു തരുന്ന ആ കഥകൾ ഞാൻ അങ്ങനെ കേട്ടിരിക്കും. ഒരു കഥ തന്നെ അപ്പച്ചനെകൊണ്ട് പല പ്രാവശ്യം ഞാൻ പറയിപ്പിച്ചിട്ടുണ്ട്. ഒരുപക്ഷേ വലുതായപ്പോൾ എനിക്ക് ഏറ്റവും കൂടുതൽ നഷ്ടബോധം തോന്നിയതും ആ കാര്യത്തിൽ ആണ്. ആ പഴയ കുട്ടിയുടെ ജിഞാസയോടെ കഥകൾ കേട്ടിരിക്കുവാൻ എനിക്കാവുന്നില്ല....
കൂടുതൽ‍ വായിക്കൂ

എൻ്റെ പള്ളിക്കൂടം - ഓർമ്മയിലെ വസന്തകാലം ORMMAYILE VASANTHAKAALAM FB, N, G, LF, TMC

അന്നത്തെ പള്ളിക്കൂടത്തിലേക്കുള്ള യാത്രകൾ ഇന്നും മനസ്സിൽ നിറഞ്ഞു നിൽക്കുന്നൂ. ലോവർ പ്രൈമറിയിൽ പഠിക്കുന്ന കാലം ഒരു പറ്റം  കൂട്ടുകാരൊപ്പമാണ് സ്കൂളിലേയ്ക്ക് പോകുന്നത്.  നെൽവയലുകളുടെ നടുവിലൂടെയുള്ള നടപ്പാതയിലൂടെ വേണം സ്കൂളിലേയ്ക്ക് പോകുവാൻ... പോകുന്ന പോക്കിൽ ഇളം നെൽക്കതിരുകൾ പറിച്ചു തിന്നുവാൻ മറക്കാറില്ല. പക്ഷെ കാവൽക്കാരൻ കണ്ടാൽ പ്രശ്നം ആണ്... എല്ലാവരും നെൽക്കതിർ പറിച്ചു തിന്നു കഴിഞ്ഞാൽ അവർക്കു പിന്നെ എന്ത് കിട്ടുവാനാണ്...? പോകുന്ന വഴിയുടെ അരികിൽ അന്ന് ഒരു തോട് ഉണ്ടായിരുന്നൂ. തോട്ടിൽ അമ്മ വരാൽ കുഞ്ഞുവരാലുകളുമായി നിൽക്കുന്ന കാഴ്ച കാണുവാൻ നല്ല രസമാണ്. തോട്ടിൽ നിറയെ ആമ്പലുകളും ഉണ്ടായിരുന്നൂ. പോകുന്ന വഴിക്കു ഒരു വാളൻ പുളിമരവും കുടമ്പുളി മരവും ഉണ്ട്. നിലത്തു വീണു കിടക്കുന്ന പുളികൾ പെറുക്കി തിന്നുകൊണ്ടാണ് പിന്നത്തെ യാത്ര. ആ വീട്ടിലെ വല്യമ്മ കണ്ടാൽ വടിയുമായി ഓടി വരും. മഴയുള്ള സമയത്താണെങ്കിൽ നടപ്പാതയിൽ മൊത്തം വെള്ളമായിരിക്കും. അതുകൊണ്ടു തന്നെ കൈയ്യിൽ ഒരു പ്ലാസ്റ്റിക് കവർ കരുതിയിട്ടുണ്ടാകും. ഷൂവും സോക്ക്‌സും അതിൽ അഴിച്ചു വച്ചിട്ട് വെള്ളത്തിലൂടെ പതുക്ക...
കൂടുതൽ‍ വായിക്കൂ