PAKKU പാക്ക്, FB, N, G, A

കുട്ടിക്കാലത്തു വേനലവധിക്ക് അമ്മയുടെ വീട്ടിൽ പോയി നിൽക്കുമ്പോഴാണ് ഓരോ കുസൃതികൾ ഒപ്പിക്കാറുള്ളത്.

അന്നൊരിക്കൽ കൊച്ചാമ്മയുടെ കടയിൽ മിഠായി വാങ്ങുവാൻ പോകുമ്പോഴാണ് കുപ്പികളിൽ ഇരിക്കുന്ന "പാക്ക്" എൻ്റെ മനസ്സിൽ കയറി പറ്റുന്നത്.

പെട്ടിക്കടയിലെ സുന്ദരൻ കുപ്പികളിൽ ഇരുന്നു അവൻ അങ്ങനെ വിളിക്കുന്നത് പോലെ തോന്നി.

ഒരു ദിവസ്സം അപ്പൂപ്പൻ തന്ന ഒരു രൂപയുമായി കടയിൽ ചെന്ന ഞാൻ മിഠായി വാങ്ങുന്നതിനു പകരം അത് നാലെണ്ണം അങ്ങു വാങ്ങി. ഓർമ്മ ശരിയാണെങ്കിൽ ഒരു പാക്കറ്റിനു അന്ന് 25 പൈസ കൊടുക്കണം.

സത്യം പറയാമല്ലോ "ഒന്നൊന്നര രുചിയാണ് അതിന്.

പിന്നെ അതൊരു ശീലമായി ഞാനും കസിന്സും കൂടെ എങ്ങനെ എങ്കിലും പൈസ സംഘടിപ്പിച്ചു കടയിൽ പോകും പിന്നെ പാക്ക് വാങ്ങി തിന്നും. അങ്ങനെ ദിവസ്സങ്ങൾ കടന്നു പോയി കൊണ്ടിരുന്നൂ.

അന്നൊരു ദിവസ്സം വീടിൻ്റെ പുറകിൽ പാക്ക് തിന്നു കൊണ്ടിരുന്ന ഞങ്ങളുടെ സംഘത്തെ സിൽവി അങ്കിൾ വീണ്ടും വില്ലൻ വേഷത്തിൽ എത്തി പൊക്കി.

ഈ അങ്കിളിനു വേറെ ഒരു പണിയുമില്ല. എപ്പോഴും ഞങ്ങൾ കുട്ടി പട്ടാളത്തിൻ്റെ പുറകേ കാണും.

സത്യം പറയാമല്ലോ...

ദൈവം പോലും സഹിക്കില്ല. അതുമാതിരി അങ്ങു ഉപദേശിച്ചു കളഞ്ഞു..

"ക്യാൻസർ, ഡ്രഗ്സ്" തുടങ്ങി കടു കട്ടിയുള്ള വാക്കുകൾ എല്ലാം അതിൽ ഉണ്ടായിരുന്നൂ."

 അത് കേട്ട് പേടിച്ചു കണ്ണും പുറത്തേയ്ക്കു തള്ളി പേടിച്ചു ഞങ്ങൾ കസിന്സും..

നാലാം ക്ലാസ്സിലും മൂന്നാം ക്ലാസ്സിലുo ഒന്നാം ക്ലാസ്സിലുമൊക്കെ പഠിക്കുന്ന ഈ പാവങ്ങളോട് ഇങ്ങനെയൊക്കെ പറയാമോ....

പിന്നെ ഒരു മാതിരി പേടിയായിരുന്നൂ..

 "സിൽവി അങ്കിൾ പറഞ്ഞ പോലെ ഇനി ബുദ്ധിയൊക്കെ ആവിയായി പോയി കാണുമോ..."

ഏതായാലും അതോടെ പാക്ക് തീറ്റ നിന്നു എന്ന് മാത്രമല്ല. പിന്നീട് അത് വാങ്ങണമെന്ന് ഞങ്ങൾ ആഗ്രഹിച്ചിട്ട് പോലുമില്ല.......

..............................സുജ അനൂപ് 

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

THEEPETTI PADAM തീപ്പെട്ടി പടം FB, N, G, E, A

ഇമേജ്
കുട്ടിക്കാലത്തെ ഓർമ്മകളുടെ ഒരേട് തീപ്പെട്ടി പടത്തിനുള്ളതാണ്. ഇന്നത്തെ കുട്ടികൾ പല തരത്തിലുള്ള കാർഡുകൾ ശേഖരിക്കുന്നത് പോലെയാണ് അന്നത്തെ കുട്ടികൾ തീപ്പെട്ടി പടം ശേഖരിച്ചിരുന്നത്. അന്നൊക്കെ എല്ലാ കുട്ടികളുടെ കൈയ്യിലും കാണും ഒരു കെട്ടു തീപ്പെട്ടി പടം. അതും പലതരത്തിൽ ഉള്ളത്.സോന, ഷിപ്പ്, ദുബായ് തുടങ്ങിയവ ആയിരുന്നൂ കൂട്ടത്തിൽ പ്രധാനികൾ. അത് വെച്ച് തീപ്പെട്ടി പടം കളി  കളിക്കുവാൻ നല്ല രസം ആയിരുന്നൂ. അവധി ദിവസങ്ങളെല്ലാം ആനന്ദകരം ആക്കിയിരുന്നതു തീപ്പെട്ടി പടം കളിയായിരുന്നു. ഇതുമായി ബന്ധപെട്ടു പല ഓർമ്മകളും മനസ്സിൽ ഉണ്ട്. അന്ന് ഞാൻ രണ്ടാം ക്ലാസ്സിൽ പഠിക്കുകയാണ്. ആ സമയത്താണ് ഞങ്ങൾ വീട്ടിൽ നിന്നും വേളാങ്കണ്ണിയിലേയ്ക്ക് ഒരു യാത്ര പോകുന്നത്. പഴനി, മധുര പിന്നെ വേളാങ്കണ്ണി.പള്ളിയിൽ നിന്നുള്ള യാത്രയാണ്. തമാശ എന്താണെന്നു വച്ചാൽ എവിടെ വണ്ടി നിർത്തിയാലും ചേട്ടനും അനിയനും കൂടെ ഒരോട്ടമാണ്, ചവറ്റുകൂനകളുടെ അടുത്തേയ്ക്കു. പിന്നെ കാര്യമായി തീപ്പെട്ടി പടം പെറുക്കലാണ്. "അഴുക്കാണ്, പോകരുത്" എന്നൊന്നും പറഞ്ഞാൽ അവർ കേൾക്കില്ല. അപ്പച്ചനും അമ്മച്ചിയും പഠിച്ച പണി പതിനെട്ടും നോക്കി. പക്ഷേ അവൻ...
കൂടുതൽ‍ വായിക്കൂ

സ്‌ലേറ്റും പെൻസിലും SLATUM PENCILUM FB, N, G, A, TMC, LF

ഇമേജ്
സ്‌ലേറ്റും പെൻസിലും മഷി തണ്ടും മറന്നിട്ടൊരു ജീവിതം ഉണ്ടാവില്ല. അത്രമാത്രം അത് ബാല്യകാല സ്മരണകളിൽ ഇന്നും നിറഞ്ഞു നിൽക്കുന്നൂ.. "എന്തോ, സ്‌ലേറ്റിൽ എഴുതി പഠിച്ചത് കൊണ്ടാകും കൈയ്യക്ഷരം നന്നായിരുന്നത്" എന്ന് എനിക്ക് പലപ്പോഴും തോന്നിയിട്ടുണ്ട്. നഴ്സറി ക്ലാസ് മുതൽ നാലാം ക്ലാസ്സ് വരെ സ്‌ലേറ്റ് വേണം എന്ന നിർബന്ധം എൻ്റെ പള്ളിക്കൂടത്തിൽ ഉണ്ടായിരുന്നൂ. എന്നും സ്‌ലേറ്റ് ക്ലാസ്സിൽ കൊണ്ടേ ചെല്ലണം എന്നത് നിർബന്ധമായിരുന്നൂ, രാവിലെ അതിൽ എഴുതി വച്ചിരിക്കുന്ന ഗൃഹപാഠം ആദ്യം നോക്കിയതിനു ശേഷം മാത്രമേ അദ്ധ്യാപകർ ക്ലാസ്സ്‌ തുടങ്ങുമായിരുന്നുള്ളൂ... അതിൽ കിട്ടുന്ന അദ്ധ്യാപകരുടെ വക "GOOD" ആ ദിവസ്സം മൊത്തം  അങ്ങനെ മായ്ക്കാതെ കൊണ്ട് നടക്കുമായിരുന്നൂ... പടം വരയ്ക്കുവാനും മനസ്സിലുള്ളത് കോറിയിടുവാനും ആദ്യം പരിശീലിച്ചത് സ്‌ലേറ്റിൽ ആയിരുന്നൂ... ചിലപ്പോൾ ആരെങ്കിലും ക്ലാസ്സിൽ കന്യാകുമാരി പെൻസിൽ കൊണ്ടുവരും. എല്ലാ കുട്ടികളും പിന്നെ അവരുടെ പുറകെ നടക്കും "ഒരെണ്ണം വേണമെന്ന ആവശ്യവുമായി"... രാവിലെ പറമ്പിൽ നടന്നു നല്ല തടിയൻ  മഷിത്തണ്ട് പറിക്കും. പിന്നെ അതുമായിട്ടാണ് സ്കൂളിലേയ്ക്ക് പോകു...
കൂടുതൽ‍ വായിക്കൂ

EERKIL KALI ഈർക്കിൽ കളി FB, N, K, G, A, NA

ഇമേജ്
വേനൽ അവധിക്കു അമ്മയുടെ വീട്ടിൽ പോയി നിൽക്കുന്ന സമയത്താണ്  ഈർക്കിൽ കളിയോട് ഇഷ്ടം തോന്നി തുടങ്ങിയത്. അമ്മയാണ് കുട്ടിക്കാലത്തെപ്പോഴോ ഈർക്കിൽ കളി പഠിപ്പിച്ചത്.. അമ്മ തന്നെയാണ് കല്ല് കളിയും, കടലാസ്സിൽ കളിക്കുന്ന കള്ളനും പോലീസും, പിൻ ഇടൽ കളിയും എല്ലാം പഠിപ്പിചൂ തന്നത് ... അവധിക്കാലത്തു മഴ പെയ്യുന്ന സമയം പുറത്തിറങ്ങി കളിക്കുവാൻ സാധിക്കില്ല... ഇന്നത്തെ പോലെ അന്ന് അധികം ചാനലുകൾ ഇല്ലാത്തതിനാൽ ടെലിവിഷൻ്റെ മുന്നിൽ ചടഞ്ഞു കൂടി സമയം കളയാനും വയ്യ. ആ സമയങ്ങളിലൊക്കെ ഒരു രക്ഷകനായി മുന്നിൽ ഉണ്ടായിരുന്നത് ഈർക്കിൽ കളിയായിരുന്നൂ. അമ്മൂമ്മ കെട്ടി സൂക്ഷിച്ചു വച്ചിരിക്കുന്ന ചൂലിൽ നിന്നും കുറച്ചു ഈർക്കിൽ അടിച്ചു മാറ്റുന്നൂ. പിന്നെ നേരെ അപ്പൂപ്പൻ്റെ മുറിയിൽ നിന്നും പുസ്തകവും പേനയും എടുത്തു കഴിഞ്ഞാൽ കളിക്കുവാനുള്ള സാമഗ്രികൾ ശരിയായി... ഏറ്റവും നീളമുള്ള ഈർക്കിലിന് 100 പോയന്റ് , പിന്നെ 50 .. പിന്നെ 10 പോയിന്റ് ഉള്ള ചെറിയ ഈർക്കിൽ പത്തെണ്ണം. ഞങ്ങൾ ഇങ്ങനെയാണ് കളിക്കുവാൻ ഈർക്കിൽ എടുത്തിരുന്നത്. മൊത്തം അനങ്ങാതെ എടുത്താൽ 250  പോയന്റ് കിട്ടും. നടുക്കത്തെ മുറിയിൽ ഇരുന്നു കസിൻസിനൊപ്പം...
കൂടുതൽ‍ വായിക്കൂ